سری لنکا کو شکست دینے کے بعد ملنے والی انعامی رقم میں بابراعظم کے ساتھ ہاتھ ہو گیا

 سری لنکا کو شکست دینے کے بعد ملنے والی انعامی رقم میں بابراعظم کے ساتھ  ہاتھ ہو گیا۔

پاکستان اور سری لنکا کے درمیان سری لنکا گال میں شروع ہونے والا ٹیسٹ جمعرات کو پاکستان کی جیت کے ساتھ اختتام پذیر ہوا جس میں قومی ٹیم نے سری لنکا کو 4 وکٹوں سے شکست دی۔

میچ کے بعد ہونے والی تقریب میں مڈل آرڈر بیٹسمین سعود شکیل کو پلیئر آف دی میچ کی ٹرافی سے نوازا گیا اور 2 ہزار امریکی ڈالرز بھی انعام میں ملے جب کہ کپتان بابر اعظم کو ٹیم کی کامیابی پر چیک دیا گیا۔اب دلچسپ بات یہ ہے کہ سری لنکا کرکٹ بورڈ کی جانب سے پیش کردہ علامتی چیک میں ایک بڑی غلطی ہوگئی جو یقیناً سوشل میڈیا صارفین سے پوشیدہ نہ رہ وہ غلطی ہے توچھوٹی سی لیکن سوشل میڈیاصارفین سے چھپ نہ سکی۔

بابر اعظم کو جو چیک ٹیم کی کامیابی پر پکڑایا گیا اس میں جو رقم لکھی تھی ، اس نے صارفین کو مشکل میں ڈال دیا کیونکہ الفاظ میں رقم '2 ہزار امریکی ڈالر ز' لکھی تھی جب کہ نمبرز میں یہ رقم 5000 امریکی ڈالرز درج تھی۔

دوسری جانب سری لنکن صحافی نے نجی ٹی وی  کو تصدیق کی کہ یہ پرنٹنگ کی غلطی تھی، یہ رقم 2000 نہیں بلکہ 5000 امریکی ڈالر ہونی چاہیے تھی۔اس حوالے سے سری لنکن کرکٹ بورڈ سے بھی رابطہ کیا گیا ہے جن کا مو¿قف ابھی آنا باقی ہے۔